میں کسی لڑکی کو پسند کرتا ہوں اور وہ بھی مجھے پسند کرتی ہے، لیکن اس کے گھر والے رشتہ کے لیے راضی نہیں ہو رہے، حالاں کہ میرے گھر والوں نے ایک مرتبہ اس لڑکی کا رشہ بھی مانگا، ایسی صورت میں کیا کریں؟
صورتِ مسئولہ میں باہمی رضامندی سے رشتہ طے کرنے کی کوشش کریں ، اور مذکورہ رشتہ کے حوالے سے استخارہ بھی کرلیں، نیز نمازِعشاء کے بعد اول وآخر گیارہ گیارہ مرتبہ درود شریف اور درمیان میں گیارہ سومرتبہ ’’یاَلَطِیْفُ‘‘ پڑھ کراللہ تعالیٰ سے دعاکریں، اور صبح و شام پابندی سے سورہ واقعہ اور سورہ طارق پڑھیں۔ اور اگر لڑکی والے پھر بھی رشتہ دینے پر آمادہ نہیں ہوتے تو والدین کی مرضی کی مطابق کسی دین دار جگہ پر رشتہ کرلیں، اور نکاح سے پہلے مذکورہ لڑکی سے رابطہ نہ رکھیں۔
مزید تفصیل کے لیے دیکھیے:
پسند کی شادی کرنا اور نامحرم سے فون پر بات کرنا
فقط واللہ اعلم
فتوی نمبر : 144205200773
دارالافتاء : جامعہ علوم اسلامیہ علامہ محمد یوسف بنوری ٹاؤن