اگر کوئی شخص اپنی طرف سے پورے بیل کی قربانی کرے تو اسے ایک قربانی کا ثواب ہوگا یا سات؟
صورتِ مسئولہ میں اپنی طرف سے پورے بیل کی قربانی کرے گا تو پورا بیل واجب قربانی کی طرف سے شمار ہوگا۔جہاں تک افضلیت کی بات ہے تو فقہاءِ کرام نے لکھا ہے کہ صحت مند اور عمدہ گوشت والی بکری گائے سے افضل ہے اگر دونوں کی قیمت برابر ہو، تاہم مختلف اعتبار سے بعض جانور دیگر بعض سے افضل ہیں، اور ثواب بھی مختلف حیثیتوں سے کم و بیش ہوسکتا ہے۔
فتاوی شامی میں ہے :
"ولو أن رجلا موسرا ضحى ببدنة عن نفسه خاصة كان الكل أضحية واجبة عند عامة العلماء وعليه الفتوى۔۔۔۔بخلاف البدنة فإنها بفعل واحد وإراقة واحدة فيقع كلها واجبا".
(کتاب الاضحیۃ،333/6،ط؛سعید)
فقط واللہ اعلم
فتوی نمبر : 144511102699
دارالافتاء : جامعہ علوم اسلامیہ علامہ محمد یوسف بنوری ٹاؤن