پرائز بانڈ کا انعام لینا جائز ہے اس کے پیسے استعمال کرنا جائز ہے یا نہیں؟
پرائز بانڈ پر ملنے والا انعام ناجائز اور حرام ہے، کیوں کہ یہ سود اور جوئے، دونوں پر مشتمل ہوتا ہے، سود پر تو اس طور مشتمل ہوتا ہے کہ پرائز بونڈ کے خرید کے وقت جتنی رقم ادا کی تھی انعام میں اس سے زیادہ رقم ملتی ہے، جو کہ بغیر کسی عوض کے ہوتی ہے اور جوئے پر اس طرح مشتمل ہے کہ اس اضافی رقم اور انعام کا ملنا یقینی نہیں ہے، بلکہ یہ ایک ایسی چیز ہے جو کہ وجود اور عدمِ وجود کے درمیان گھوم رہی ہوتی ہے، اور اسی کا نام جوا ہے۔
مزید تفصیل کے لیے درج ذیل لنک پر موجود فتویٰ ملاحظہ کریں۔
پرائز بانڈ خریدنا اور اس پر ملنے والے انعام کا حکم
قرآن کریم میں ہے:
"يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنصَابُ وَالْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ." [المائدة:90]
رد المحتار ميں هے:
"و في الأشباه: کل قرض جر نفعاً حرام."
(کتاب البیوع، فصل في القرض، ج:5، ص:144، ط:سعید )
فقط واللہ اعلم
فتوی نمبر : 144401102033
دارالافتاء : جامعہ علوم اسلامیہ علامہ محمد یوسف بنوری ٹاؤن