کیاپرائیوٹ حج سکیم کے لیے جمع کردہ رقم پر زکات فرض ہے؟
پرائیوٹ حج اسکیم میں جمع کرائی گئی رقم واپس نہیں ملتی، بلکہ وہ حج کے اخراجات کی مد میں صرف ہوجاتی ہے، اس لیے پرائیوٹ حج اسکیم میں جمع شدہ رقم پر زکاۃ لازم نہیں ہوگی۔
باقی حج کی نیت سے جو رقم صرف الگ کی ہو ، ابھی تک جمع نہیں کرائی اور وہ اپنے پاس موجود ہے، یا سرکاری اسکیم میں جمع کرائی ہے اور ابھی تک قرعہ اندازی نہیں ہوئی، یاقرعہ اندازی ہوگئی اور ناکام امیدواروں میں نام آگیا تو سال گزرنے پر اس رقم کی زکاۃ اداکرنا لازم ہوگا، خواہ وہ رقم ابھی تک بینک سے نہ نکلوائی ہو۔
"إذا أمسكه لينفق منه كل ما يحتاجه فحال الحول، وقد بقي معه منه نصاب فإنه يزكي ذلك الباقي، وإن كان قصده الإنفاق منه أيضاً في المستقبل لعدم استحقاق صرفه إلى حوائجه الأصلية وقت حولان الحول". (فتاوی شامی،2/ 262، کتاب الزکاة، ط: سعید)فقط واللہ اعلم
فتوی نمبر : 144108200622
دارالافتاء : جامعہ علوم اسلامیہ علامہ محمد یوسف بنوری ٹاؤن