سوال

حضرت محمدؐ نے فرمایا جس شخص کی نمازیں قضا ہوئی ہوں اور تعداد معلوم نہ ہو تو وہ رمضان کے آخری جمعہ کے دن 4 نفل ایک سلام کے ساتھ پڑھے ہر نماز میں سورہ فاتحہ کے بعد 7 مرتبہ آیۃ الکرسی اور سورۃ الکوثر 15 بار پڑھنی ہے۔ اگر 700 سال کی نمازیں قضا ہوئی ہیں تو یہ نماز اس کے کفارے کے لیے کافی ہے۔

آج کے دن بہت سے لوگوں نے یہ حدیث مشہور کی ہوئی ہے۔ کیا آپ بتا سکتے ہیں؟ کہ یہ حدیث صحیح ہے یا پھر غلط بات حضرت محمدؐ کی طرف منسوب کی گئی ہے۔ اور اگر یہ حدیث درست ہے تو بتا دیں وہ کون سی حدیث ہے؟

جواب

ایسی کو ئی حدیث موجود نہیں ہے ، قضاءِ عمری کا یہ طریقہ غلط ہے، جس روایت کو بنیاد بناکر اسے پیش کیا جاتا ہے وہ موضوع (من گھڑت ) ہے، اس کا بیان کرنا جائز نہیں ہے۔

جس شخص کی جتنی فرض نمازیں قضا ہوں، اسے اتنی ہی ادا کرنی ہوں گی۔ فقط واللہ اعلم