سوال

کیا رومیصہ نام رکھنا درست  ہے،  رومیصہ کا کیا معنیٰ ہے؟

جواب

اس نام کا درست تلفظ "رمیصاء" (رُمَیْصَاء)ہے، یہ صحابیات کے ناموں میں سے، اور ایک ستارہ کا نام بھی ہے،   حضرت انس بن مالک رضی اللہ تعالیٰ عنہ کی والدہ ام سلیم کا نام ”رمیصاء “ تھا، لہذا  ”رمیصاء“ نام رکھنا درست ہے، صحابیات کے ناموں میں معنیٰ دیکھنے کی ضرورت نہیں ہوتی، کسی صحابیہ کا نام ہونا ہی برکت کے لیے کافی ہوتا ہے

اسی  طرح   حرفِ  ثاء کے تلفظ کے ساتھ   " رُمَیْثَه"   نام کا معنی ہے:  بات درست کرنے والی.  (القاموس الوحید، ص:546، ط:ادارۃ الاسلامیات)  اور یہ مشہور  انصاریہ  صحابیہ حضرت رمیثہ بنت عمرو رضی اللہ عنہا کا نام ہے، مذکورہ صحابیہ سے مختلف کتبِ احادیث میں حدیث بھی منقول ہے، لہذا مذکورہ تلفظ کے اعتبار سے یہ نام بھی  بچی کے  لیے رکھنا نہ صرف افضل ہے، بلکہ باعثِ برکت  بھی ہے۔ فقط واللہ اعلم