سوال

اگر ہاتھ سے انزال کیا تو روزے کا کفارہ لازم ہوگا یا نہیں؟

جواب

مشت زنی  سے  روزہ ٹوٹ جاتا ہے،   صرف قضا لازم ہوتی ہے، کفارہ نہیں ۔

واضح رہے کہ مشت زنی کبیرہ گناہ ہے، اور روزے کی حالت میں گناہ کرنا اور زیادہ بُرا ہے، اسی طرح بلاعذر فرض روزہ توڑنا بھی گناہ ہے، لہٰذا جس شخص نے روزے میں مشت زنی کی تو اس نے بڑا گناہ کیا، اسے سچے دل سے توبہ و استغفار کرنا چاہیے۔رمضان کے روزے کا اجر ملنا مشکل ہے۔

فتاویٰ شامی میں ہے:

"(قوله: وكذا الاستمناء بالكف) أي في كونه لا يفسد لكن هذا إذا لم ينزل أما إذا أنزل فعليه القضاء."

(كتاب الصوم، ٢/ ٣٩٩، ط: سعيد)

وفيه أيضاً:

"أو استنما بكفه أو بمباشرة فاحشة ولو بين المرأتين (فأنزل) ... (قضى) في الصور كلها (فقط)."

(كتاب الصوم، ٢/ ٤٠٤، ط: سعيد)

فقط والله أعلم