روزے کی حالت میں عورت کے جسم کو بوسہ دے سکتے ہیں؟ اور عورت کے جسم کو دیکھ سکتے ہیں ۔اس سے روزے پر کوئی اثر پڑتا ہے؟
روزے کی حالت میں اپنی بیوی کا بوسہ لینایا اس کے جسم کو دیکھنا منع نہیں، تا ہم شرط یہ ہے کہ اس صورت میں شوہر کو اپنے نفس پر اعتماد ہو کہ اس سے آگے نہ بڑھے گا، اور اگر اس عمل کی وجہ سے مزید آگے بڑھنے اور جماع کی جانب راغب ہونے کا اندیشہ ہوتو ایسا کرنا مکروہ ہے۔
نیز اگر کوئی شخص روزہ کے دوران بیوی کا بوسہ اس طرح لے کہ اس کا تھوک منہ میں آجائے تو اس کاروزہ مکروہ ہوگا اور اگر اس کا تھوک اپنے تھوک کے ساتھ نگل لے گا تو روزہ فاسد ہوجائے گا اور قضا اور کفارہ دونوں لازم ہوں گے۔
اور اگر روزے کی حالت میں بیوی کا بوسہ لینے اور اس کے جسم پر ہاتھ پھیرنے یا دیکھنے سے اگر منی خارج ہوجائے تو روزہ ٹوٹ جاتا ہے اور روزے کی قضا لازم ہوتی ہے۔
فقط واللہ اعلم
فتوی نمبر : 144209201010
دارالافتاء : جامعہ علوم اسلامیہ علامہ محمد یوسف بنوری ٹاؤن