مکان کرایہ پر لیا اور سیکیورٹی کے طور پر سونا دیاتو کیا زکات واجب ہوگی اس سونا ڈپازٹ پر؟ سونا اس لیےدیا کہ اگر کرایہ دینے سے تعذر ہو تو مکان مالک اس کو بیچ کر کرایه وصول کرے!
واضح رہے کہ جو سونا بطورِ ڈپازٹ جمع کرایا جاتا ہے اس کی حیثیت امانت کی ہوتی ہے اور بالآخر وہ سونا مالک کے پاس واپس آنا ہوتا ہے؛ اس لیے سونے کے مالک پر مذکورہ سونے کی زکات واجب ہو گی۔ البتہ جب مالکِ مکان کرایہ نہ ملنے کی وجہ سے اس سونے کو بیچ دے ، تو اس وقت چوں کہ وہ کرایہ دار کی ملک میں باقی نہ رہے گا، لہٰذا اس کی زکاۃ بھی لازم نہیں ہوگی۔
بدائع میں ہے:
"ولو دفع إلى إنسان وديعة ثم نسي المودع فإن كان المدفوع إليه من معارفه فعليه الزكاة لما مضى إذا تذكر."
(بدائع الصنائع في ترتيب الشرائع (2 / 9), [فصل الشرائط التي ترجع إلى المال], كتاب الزكاة, الناشر: دار الكتب العلمية)
فقط واللہ اعلم
فتوی نمبر : 144207200252
دارالافتاء : جامعہ علوم اسلامیہ علامہ محمد یوسف بنوری ٹاؤن