سوال

 اگر گائے کے سینگ کا اوپر والا وہ کور سا جو ہوتا ہے وہ گر جائے، لیکن نیچے ہڈی ایک دم ٹھیک ٹھاک ہو تو کیا اس جانور سے عیدالاضحی کی قربانی ہو سکتی ہے؟

جواب

اگر کسی جانور کی سینگ کا اوپر والا حصہ ٹوٹ کر گر جائے اور سینگ کی جڑیں مضبوط ہوں، وہ نہ ٹوٹی ہوں تو ایسے جانور کی قربانی کرنا جائز ہے۔ 

فتاوی ہندیہ میں ہے: 

"و يجوز بالجماء التي لاقرن لها و كذا مكسورة القرن، كذا في الكافي. وإن بلغ الكسر المشاش لايجزيه، و المشاش رؤس العظام مثل الركبتين و المرفقين، كذا في البدائع".

(٥/ ٢٩٧، ط:رشيدية)

فقط واللہ اعلم