کیا اگر بتی شعبان کی بڑی رات کو کرسکتے ہیں؟
شعبان کی کسی بھی رات میں خاص کر اگر بتی جلانا شریعت میں ثابت نہیں ہے، اگر بتی کا کام خوش بو دینا ہے، اس کا کسی بھی خاص رات کو جلانے سے نہ کوئی تعلق ہے نہ کسی رات کو جلانے میں کوئی خاص ثواب ملتا ہے، لہذا اس رات ہی خاص کرکے اگر بتی جلانا جائز نہیں ہے، اس سے احتراز لازم ہے۔
"مَنْ أَحْدَثَ فِيْ أَمْرِنَا هذَا مَا لَیْسَ مِنْهُ فَهُوَ رَدٌّ". (بخاری ومسلم). فقط و الله أعلم
فتوی نمبر : 144108200874
دارالافتاء : جامعہ علوم اسلامیہ علامہ محمد یوسف بنوری ٹاؤن