سوال

ایک عورت کا انتقال ہوا، اس کے ورثاء میں شوہر، بھائی، اور چار بہنیں حیات ہیں، مرحومہ کے والدین انتقال کر چکے ہیں، مرحومہ کی کوئی اولاد نہیں ہے،مرحومہ کی ملکیت میں ایک عدد فلیٹ ہے، اس کی تقسیم ورثاء میں کیسے ہو گی؟

جواب

صورت مسئولہ میں مرحومہ کے ترکہ کی تقسیم کا شرعی طریقہ یہ ہے کہ مرحومہ کے حقوقِ متقدمہ میں سے  اگر مرحومہ کے ذمے کوئی قرض ہو تو وہ ادا کرنے کے بعد،  اور اگر مرحومہ نے کوئی جائز وصیت کی ہو تو اسے باقی ترکہ کے ایک تہائی  میں نافذ کرنے کے بعد، باقی کل ترکہ منقولہ و غیرمنقولہ   کو 12 حصوں میں تقسیم کر کے6  حصے شوہر کو  ،   2 حصے مرحومہ کے بھائی کو اور ایک ایک حصہ ہر ایک بہن کو ملے گا، جب کہ کفن دفن کے اخراجات شوہر پر لازم ہوں گے۔ 

صورتِ تقسیم یہ ہے :

میت : 2 / 12

یعنی فیصد کے حساب سے 100 روپے میں سے 50 روپے شوہر کو،16.66 روپے بھائی کو اور 8.33 روپے کر کے ہر ایک بہن کو ملیں گے۔ فقط واللہ اعلم