سوال

میری بیوی چند دن قبل انتقال ہوگیا ہے، ورثاء میں شوہر (سائل) تین بیٹے اور دو بیٹیاں ہیں، جائیداد میں کچھ زیور اور کچھ نقدی ہے، میراث کس طرح تقسیم ہوگی؟ مرحومہ کے والدین ان سے پہلے انتقال کرچکے ہیں۔

جواب

صورتِ مسئولہ میں مرحومہ کے ترکہ کی تقسیم کا شرعی طریقہ یہ ہے کہ مرحومہ کے ترکہ میں  سے حقوقِ  متقدمہ  یعنی تجہیز و تکفین کے اخراجات نکالنے کے بعد مرحومہ کے ذمہ   اگر کوئی قرض ہے تو اسے بقیہ کل ترکہ  سے ادا کرنے کے بعد اگر مرحومہ نے کوئی  جائز وصیت کی ہو تو اسے  بقیہ ترکہ کے ایک تہائی حصہ سے نافذ کرکے  باقی کل  منقولہ وغیر منقولہ  ترکہ کو 32 حصوں میں تقسیم کیا جائے گا، جس میں سے مرحومہ کے شوہر کو 8 حصے، مرحومہ کے ہر بیٹے کو 6 حصے اور مرحومہ کی ہر بیٹی کو 3 حصے ملیں گے۔

صورت تقسیم یہ ہے:

میت: 4 / 32

یعنی 100 روپے میں سے مرحومہ کے شوہر کو 25 روپے، مرحومہ کے ہر بیٹے کو 18.75 روپے اور مرحومہ کی ہر بیٹی کو 9.375 روپے ملیں گے۔

فقط واللہ اعلم