سوال

 بغیرمجبوری کے شوقیہ تصویر بنوانا کیسا ہے ؟

جواب

 واضح رہے کہ کسی بھی جان دار  کی تصویر بنانا یا بنوانا  حرام اور کبیرہ گناہ ہے،خواہ مجبوری کی وجہ سے ہو یا محض شوق پورا کرنے کے غرض سے ہو،  کپڑے یا کاغذ پر بنائی جائے یا در و دیوار پر، قلم سے بنائی جائے یا کیمرے اور موبائل فون کے ذریعے بنائی جائے، سب ناجائز ہے،البتہ غیر جاندار اشیاء کی تصاویر بنانا جائز ہے،مثلاً درخت ،پہاڑ ،سمندر  وغیرہ۔

مشكاة المصابيح میں ہے:

"عن عبد الله بن مسعود قال: سمعت رسول الله صلى الله عليه وسلم يقول: أشد الناس عذاباً عند الله المصورون."

(‌‌‌‌‌‌ كتاب اللباس، ‌‌باب التصاوير، 1274/2، ط: المكتب الإسلامي )

ترجمہ:" حضرت عبداللہ بن مسعودؓ کہتے ہیں کہ میں نے رسول کریمﷺ  کویہ فرماتے ہوئے سنا کہ ”اللہ تعالیٰ کے ہاں سخت ترین عذاب کا مستوجب، مصور (تصویر بنانے والا)ہے"۔

( مظاہر حق جدید ،  230/4، ط:  دارالاشاعت )

و فیہ ایضاً:

"عن ابن عباس قال: سمعت رسول الله صلى الله عليه وسلم يقول:كل مصور  في النار يجعل له بكل صورة صورها نفسا فيعذبه في جهنم."

 (‌‌‌‌‌‌ كتاب اللباس، ‌‌باب التصاوير، 1274/2، ط: المكتب الإسلامي )

ترجمہ:

" حضرت ابن عباسؓ کہتے ہیں کہ  میں نے رسول کریم ﷺ کو یہ فرماتے  ہوئے سنا کہ” ہر مصور دوزخ میں ڈالا جائے گا، اور اس کی بنائی  ہوئی ہر تصویر کے بدلے ایک شخص پیدا کیا جائے گا جو تصویر بنانے والے کو دوزخ میں عذاب دیتا رہے گا۔"

(مظاہر حق جدید، ج:4، ص:230،   ط:  دارالاشاعت)

 و فیہ ایضاً:

"وعن عائشة عن النبي صلى الله عليه وسلم قال: أشد الناس عذاباً يوم القيامة الذين يضاهون بخلق الله."

 (‌‌‌‌‌‌ كتاب اللباس، ‌‌باب التصاوير، 1274/2، ط: المكتب الإسلامي )

ترجمہ:

" حضرت عائشہ ؓ  ، رسول کریمﷺ سے روایت کرتی ہیں کہ  آپ ﷺ نے فرمایا: قیامت کے دن سب لوگوں سے زیادہ سخت عذاب  ان لوگوں کو ہوگا جو تخلیق میں اللہ تعالیٰ کی مشابہت اختیار کرتے ہیں۔"

(مظاہر حق جدید، ج:4، ص:229،  ط: دارالاشاعت)

فقط واللہ اعلم