بچے کا نام سنان رکھنا کیسا ہے؟ سنان کا معنی اور درست تلفظ بھی بتا دیں۔
سِنَان (سین پر زیر اور نون پر زبر کے ساتھ) عربی زبان میں نیزے کے پھل کو کہتے ہیں۔ صحابہ کرام رضی اللہ عنہم اجمعین میں سے کئی صحابہ کا نام "سنان " تھا، لہذا یہ نام کررکھنا درست ہے۔
تاج العروس میں ہے:
"والسنان: نصل الرمح) ، هو ككتاب، وإنما أغفله عن الضبط لشهرته."
(سنن، ج نمبر ۳۵ ص نمبر ۲۴۱،وزارة الإرشاد والأنباء في الكويت)
اسد الغابة في معرفة الصحابة میں ہے:
"سنان بن تيمب: سنان بْن تيم الجهني حليف بني عوف بْن الخزرج، وقيل: سنان بْن وبرة.غزا مع رَسُول اللَّهِ صَلَّى اللَّهُ عَلَيْهِ وَسَلَّمَ المريسيع، وهي غزوة بني المصطلق، وكان شعارهم يومئذ: يا مَنْصُور، أمت أمت."
(حرف سین، باب السین و النون ج نمبر ۲ ص نمبر ۵۵۹،دار اکتب العلمیہ)
فقط واللہ اعلم
فتوی نمبر : 144312100147
دارالافتاء : جامعہ علوم اسلامیہ علامہ محمد یوسف بنوری ٹاؤن