سوال

جو slip disc (ٹلکا) نکالا جاتا ہے اسے وہ لوگ نکالتے ہیں جو الٹے پاؤں پیدا ہوتے ہیں اور وہ صرف پیر کا انگوٹھا لگاتے ہیں اور لوگوں کا یہ عقیدہ بھی بنا ہوا ہے۔  اب یہ  مسائل کے لحاظ سے کیسا ہے؟

جواب

واضح رہے کہ کسی بھی بیماری یا درد  سے شفا  دینے والی ذات حقیقت میں اللہ ہی کی ہے اور ظاہری طور پر اگر کسی کے علاج کرنے سے کوئی شفا یاب ہو جاتا ہے تو اس علاج کرنے والے کے ہاتھ میں شفا  بھی اللہ ہی کے حکم سے آئی۔

مذکورہ تفصیل کی روشنی میں اگر slip disc (ٹلکا) کے علاج کے لیے یہ بات تجربہ سے سامنے آئی ہو کہ جو الٹے پاؤں  پیدا ہو اور انگوٹھا لگائے تو مریض کو درد دور ہوجاتا ہے تو اس میں کوئی حرج نہیں البتہ یہ عقیدہ رکھنا کہ اس ہی طرح کے لوگوں سے علاج کرانے میں ہی شفاء ہے، کوئی اور علاج کا طریقہ نہیں ہے، ایسا عقیدہ رکھنا درست نہیں۔ فقط واللہ اعلم