سورہ حج کے دوسرے سجدہ کے بارے میں وضاحت فرمائیں؟
سورۂ حج میں دوسرا سجدہ احناف کے نزدیک سجدہ تلاوت نہیں ہے، بلکہ اس میں نماز کے سجدہ کا ذکر ہے، اس لیے کہ اس کے ساتھ رکوع کا بھی ذکر ہے، اور جہاں قرآن میں سجدہ کے ساتھ رکوع کا بھی ذکر ہے اس سے نماز کے سجدہ مراد ہوئے ہیں، وہ آیت یہ ہے :
"{يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ لَعَلَّكُمْ تُفْلِحُونَ." (77)} [الحج: 77]
ترجمہ :" اے ایمان والو تم رکوع کیا کرو اور سجدہ کیا کرو اور اپنے رب کی عبادت کیا کرو اور تم (ایسے) نیک کام (بھی) کیا کرو امید (یعنی وعدہ) ہے کہ تم فلاح پاؤ گے۔"
لہذا اس آیت کی تلاوت سے سجدہ کرنا واجب نہیں ہے۔
الدر المختار وحاشیہ ابن عابدین میں ہے:
"(يجب) بسبب (تلاوة آية) أي أكثرها مع حرف السجدة (من أربع عشرة آية) أربع في النصف الأول وعشر في الثاني (منها أولى الحج) أما ثانيته فصلاتية لاقترانها بالركوع
(قوله: لاقترانها بالركوع) لأن السجدة متى قرنت بالركوع كانت عبارة عن السجدة الصلاتية كما في قوله تعالى {واسجدي واركعي} [آل عمران: 43] بدائع.
(قوله: خلافًا للشافعي وأحمد) حيث اعتبرا كلا من سجدتي الحج ولم يعتبرا سجدة ص، كما في غرر الأفكار."
(کتاب الصلاۃ،باب سجود التلاوۃ،ج2،ص103،ط؛سعید)
فقط واللہ اعلم
فتوی نمبر : 144509101844
دارالافتاء : جامعہ علوم اسلامیہ علامہ محمد یوسف بنوری ٹاؤن