"سبحان" نام رکھ سکتے ہیں یا نہیں؟ اگر رکھ سکتے ہیں تو کس طرح ساتھ "عبد" لگانا پڑے گا یا نہیں؟ "محمد" یا "احمد" لگا لیں تو کیسا ہے؟
"سُبحان" کا معنی ہے پاکی بیان کرنا، یعنی کسی کو تمام عیوب اور نقائص سے پاک ٹھہرانا یا بتانا۔ پاکی بیان کرنا اللہ تعالیٰ کے لائقِ شان ہے؛ لہٰذا یہ نام نہ رکھیں، اس کےبجائے کوئی دوسرا نام تجویز کرلیں۔
یا اس نام کے ساتھ "عبد" کا اضافہ کرلیں، یعنی "عبد السبحان"۔
انبیاءِ کرام علیہم الصلوۃ والسلام، صحابہ کرام رضوان اللہ علیہم اجمعین یا اولیاءِ کرام رحمہم اللہ کے ناموں میں سے کوئی نام منتخب کرکے رکھ لیں۔ (السعایۃ فی کشف مافی شرح الوقایۃ،2/164،ط:سہیل اکیڈمی –فتاوی محمودیہ 19/386،ط:فاروقیہ کراچی)
فقط واللہ اعلم
فتوی نمبر : 144201200019
دارالافتاء : جامعہ علوم اسلامیہ علامہ محمد یوسف بنوری ٹاؤن