مجھے کینسر کا مرض لاحق ہوگیاہے۔ برائے مہربانی مجھے جلد از جلد اگر ممکن ہوسکے کوئی قرانی وظیفہ عنایت فرمادیجیے!
روزانہ تین سو تیرہ مرتبہ آیتِ کریمہ ’’لَا إِلٰهَ إِلَّا أَنْتَ سُبْحَانَكَ إِنِّيْ كُنْتُ مِنَ الظَّالِمِيْنَ‘‘ اور اول و آخر درود شریف گیارہ مرتبہ زمزم کے پانی پر دم کرکے پینا شروع کریں اور اللہ سے عہد کریں کہ مجھے اگر تندرستی مل گئی تو میں خود اور اپنی اولاد کو دین کا عالم بناؤں گا۔ ان شاء اللہ، اللہ تعالیٰ آپ کو شفا عطا فرمائٰیں گے۔
اور اگر وسعت اور طاقت ہو تو اسی ارادے سے عمرے پر چلے جائیں، وہاں ملتزم پر اللہ تعالیٰ سے دعا مانگیں۔ کینسر کے بے شمار مریض وہاں دعا مانگنے سے ٹھیک ہوئے ہیں۔ فقط واللہ اعلم
فتوی نمبر : 144110201054
دارالافتاء : جامعہ علوم اسلامیہ علامہ محمد یوسف بنوری ٹاؤن