میری پھوپھو جو کہ طلاق یافتہ ہیں پانچ سال سے، شادی بھی نہیں کی اب تک، اور چند سالوں سے وہ اپنے سابقہ شوہر کو یاد کرتی ہیں اس کی Facebook کھول کے تصاویر دیکھتی ہیں۔ کیا یہ ان کے لیے جائز ہے؟
طلاق کے بعد عدت مکمل ہونے کے ساتھ ہی میاں بیوی کا رشتہ مکمل طور پر ختم ہوجاتا ہے، اور دونوں ایک دوسرے کے لیے اجنبی ہوجاتے ہیں، جس کی وجہ سے ایک دوسرے کو دیکھنا یا ضرورتِ شدیدہ کے بغیر باتیں کرنا شرعاً جائز نہیں رہتا، لہذا صورتِ مسئولہ میں مذکورہ خاتون کے لیے اپنے سابق شوہر کی تصاویر دیکھنا جائز نہیں، نیز اگر مذکورہ خاتون کے سابق شوہر نے تین طلاقیں نہ دی ہوں تو ایسی صورت میں تجدیدِ نکاح کی گنجائش ہے، لہٰذا مذکورہ خاتون دوبارہ نکاح کی کوشش کرسکتی ہیں۔ البتہ اگر تین طلاق دی ہوں، تو تجدیدِ نکاح کی اجازت نہیں ہوگی۔ فقط واللہ اعلم
فتوی نمبر : 144110200616
دارالافتاء : جامعہ علوم اسلامیہ علامہ محمد یوسف بنوری ٹاؤن