کیا ایسے کپڑوں میں نماز ہوجائے گی جن پر جانداروں کے موڈل بنے ہوئے ہوں۔ جیسے پیوما puma نامی کمپنی اپنے پروڈکٹ پر بلی کا موڈل لگاتی ہے؟
اگر شرٹ یا کپڑے پر کسی کمپنی کے لوگو میں کسی جاندار کی تصویر ہو تو ایسے کپڑے میں نماز پڑھنا مکروہ ہے، البتہ اگر وہ تصویر مٹادی جائے یا چھپالی جائے یا اس کا چہرہ مکمل کاٹ دیا جائے یا تصویر بہت چھوٹی ہو کہ سمجھ نہ آتی ہو یا اس پر سیاہی مل دی جائے تو پھر نماز میں کراہت نہیں ہوگی۔
واضح رہے کہ جاندار کی تصویر بنانا یا بنوانا یا اسے اپنے پاس رکھنا اور دیکھنا سب ناجائز اور گناہ ہے۔ فقط واللہ اعلم
فتوی نمبر : 144201200052
دارالافتاء : جامعہ علوم اسلامیہ علامہ محمد یوسف بنوری ٹاؤن