سوال

ٹی وی سیریل میں حضور کا نام آنے پر صلی اللہ علیہ وسلم کہنا کیسا ہے؟

جواب

اولاً یہ بات قابلِ توجہ ہے کہ ٹی وی کا دیکھنا  ہی جائز نہیں، خواہ خبریں ہوں، ڈرامہ سیریل ہو یا دیگر پروگرام؛ اس لیے کہ ٹی وی پر آنے والے پروگرامز، خبریں وغیرہ انسانوں کی تصاویر پر مشتمل ہوتی ہیں اور تصویر کے بنانے کی طرح اُس کا دیکھنا بھی جائز نہیں۔

بہرحال! اگر کوئی شخص ٹی وی سیریل دیکھتا ہو اور اس میں رسول اللہ صلی اللہ علیہ وسلم کا نامِ گرامی آتا ہو تو جس پروگرام  میں رسول اللہ صلی اللہ علیہ وسلم کا نام مبارک آتا ہو اگر وہ براہِ راست نشر کیا جاتا ہو تو ایسی صورت میں رسول اللہ صلی اللہ علیہ وسلم کا نام نامی سُن کر درود پڑھنا واجب ہو گا اور اگر وہ پروگرام براہِ راست نشر نہ کیا جا رہا ہو بلکہ ریکارڈنگ ہو  تو درود پڑھنا واجب تو نہ ہو گا لیکن پڑھنا چاہیے۔ ثواب ملے گا۔ فقط واللہ اعلم