سوال

 کیا بچوں کی پیدائش میں وقفہ کرنا جائز ہے، اگر بیوی کی طبیعت ٹھیک نہ  رہتی ہو اور اس بات کا خطرہ ہو کہ اگر اس کو حمل ہوگیا تو اس کی طبیعت زیادہ خراب ہو جائے گی ، کیا اس صورت میں ہم وقفہ کر سکتے ہیں کہ جب تک میری بیوی کی طبیعت مکمل ٹھیک نہیں ہو جاتی؟

جواب

صورتِ مسئولہ میں  مذکورہ ضرورت کی بنا پر  عارضی  مانع حمل تدابیر اختیار کرنا جائز ہے۔ جیسا کہ الدر المختار وحاشية ابن عابدين میں ہے: 

"(ويعزل عن الحرة بإذنها) .......[تنبيه] أخذ في النهر من هذا ومما قدمه الشارح عن الخانية والكمال أنه يجوز لها سد فم رحمها كما تفعله النساء مخالفا لما بحثه في البحر من أنه ينبغي أن يكون حراما بغير إذن الزوج قياسا على عزله بغير إذنها".

(کتاب النکاح، 3/ 175 176، ط: سعید)

فقط واللہ أعلم