رمضان میں وتر کے بعد نفل پڑھنا کیساہے؟
وتر کے بعد نفل پڑھنا جائز ہے، اور اجر وثواب کا باعث ہے، وتر کے بعد دو نفل پڑھنا آپ ﷺ ، صحابہ کرام رضوان اللہ علیہم اجمعین اور فقہاءِ کرام سے ثابت ہے، اور نوافل کھڑے ہو کر پڑھنا اور بیٹھ کر پڑھنا دونوں درست ہے، لیکن بیٹھ کر نفل پڑھنے میں کھڑے ہوکر پڑھنے کے مقابلے میں آدھا ثواب ہے، نبی کریم ﷺ کی خصوصیت تھی کہ آپ ﷺ کے لیے بیٹھ کر نفل پڑھنے میں آپ ﷺ کے کھڑے ہوکر نفل پڑھنے کی طرح ہی ثواب تھا۔ فقط واللہ اعلم
فتوی نمبر : 144109200136
دارالافتاء : جامعہ علوم اسلامیہ علامہ محمد یوسف بنوری ٹاؤن