آج کل کچھ حضرات یوٹیوب و دیگر پلیٹ فارم میں نعت رسول مقبول صلی اللہ علیہ وسلم پڑھ کر مخلف انداز میں اپنی ویڈیو بناکر اپ لوڈ کرتے ہیں جس میں باقائدہ ایکٹنگ کرتے ہیں، کیا یہ جائز ہے؟
نعتِ رسول ﷺ پڑھنا بڑی سعادت کی بات ہے، لیکن ویڈیو سازی یا تصویر سازی چاہے کسی بھی نوعیت کے جدید یا قدیم آلات سے ہو از روئے شرع ناجائز ہے، اس لیے یو ٹیوب وغیرہ پر اپنی ویڈیو کے ساتھ نعت اپلوڈ کرنا جائز نہیں ہے، یہ ناسمجھی اور محرومی کی بات ہے کہ رسول اللہ ﷺ کی نعت کے ساتھ تصویر سازی سے متعلق رسول اللہ ﷺ کے فرمان کی خلاف ورزی کی جائے؛ لہٰذا اس سے مکمل اجتناب کرنا چاہیے۔ فقط واللہ اعلم
فتوی نمبر : 144110201181
دارالافتاء : جامعہ علوم اسلامیہ علامہ محمد یوسف بنوری ٹاؤن