’’زرنیش‘‘ نام کا مطلب کیا ہے؟ اور یہ نام رکھنا کیسا ہے؟
’’زرنیش‘‘: فارسی کے دو لفظوں ’’زر‘‘ اور ’’نیش‘‘ سے مرکب ہے، زر کا معنی ہے :’’سونا‘‘ اور ’’نیش ‘‘کا معنی ہے: ’’نوک كي دھار یاتیزی‘‘، یوں اس مرکب لفظ’’ زرنیش‘‘ کا معنی ہوا : ’’سونے کی نوکدار چیز کی تیزی‘‘، اس معنیٰ کے لحاظ سے مذکورہ نام رکھنا درست ہے، تاہم بہتر یہ ہے کہ بچوں کے نام حضرات انبیاءِ کرام علیہم السلام و التسلیمات اور صحابہ کرام رضوان اللہ علیہم اجمعین کے ناموں پر رکھے جائیں یا عربی کے اچھے معنی والے نام رکھے جائیں۔ ہماری ویب سائٹ پر بچوں کے اچھے بامعنی نام دیکھے جاسکتے ہیں، اس کے لنک ملاحظہ فرمائیں:
فرہنگ آصفیہ میں ہے:
’’زر: اسم مذکر:۔۱۔ سونا۔ طلا۔ ذہب۔‘‘
(ج:۲، ص: ۴۰۴، ط: حسن سہیل لمیٹد)
وفيه أيضا:
’’نیش: اسم مذکر: ۔۱۔ نوک کی دھار یا تیزی۔ نوک۔ اَنی،۲۔ ڈنک ۔ بچھو یا بھڑ و غیرہ کا خار، کانٹا۔‘‘
(ج:۴،ص: ۶۲۸، ط: حسن سہیل لمیٹد)
فیروزا للغات میں ہے:
’’نیش: (بیائے مجہول) : نوک کی تیزی۔ نوک کی اَنی۔‘‘
فقط واللہ اعلم
فتوی نمبر : 144408101022
دارالافتاء : جامعہ علوم اسلامیہ علامہ محمد یوسف بنوری ٹاؤن