سوال

کیا زخرف فاطمہ نام رکھنا جائز ہے،  جب کہ نام رکھے بیس سال گزر چکے ہوں اور اب نام تبدیل کرنا مشکل ہو؟

جواب

"زخرف" کے معنی  : سونا، زینت وسجاوٹ، زیبائش، کسی چیز کا انتہائی حسن و دل کشی، ڈیکوریشن، سامانِ زینت، باطل وبے حقیقت  چیز ،  ملمع کی ہوئی چیز کے  ہیں، آخری دو معانی کے علاوہ دیگر اچھے معانی ملحوظ رکھتے ہوئے یہ نام رکھ سکتے  ہیں۔ اور فاطمہ (رضی اللہ عنہا) رسول اللہ ﷺ کی سب سے چھوٹی صاحب زادی  کا نام ہے۔

اب  چوں کہ نام کی تبدیلی آ سان نہیں تو   ان معانی میں سے اچھے معنی  کے اعتبار سے  اس نام کو  باقی  رکھ  سکتے  ہیں۔

لسان العرب (9/ 132):

"زخرف: الزُّخْرُفُ: الزِّينةُ. ابْنُ سِيدَهْ: الزُّخْرفُ الذَّهَبُ هَذَا الأَصل، ثُمَّ سُمِّي كُلُّ زِينةٍ زُخْرُفاً ثُمَّ شُبِّهَ كلُّ مُمَوَّه مُزَوَّرٍ بِهِ. وَبَيْتٌ مُزَخْرفٌ، وزَخْرَفَ الْبَيْتَ زَخْرَفَةً: زَيَّنَه وأَكْمَلَه. وكلُّ مَا زُوِّقَ وزُيِّنَ، فَقَدْ زُخْرِفَ."

 فقط واللہ اعلم