سوال

آج کل دیکھا گیا ہے شادی بیاہ میں جو دیندار گھرانے ہیں اُن میں لڑکا لڑکی کی ہال میں انٹری کے وقت اللہ کے نام چلائے جاتے ہیں، گانوں سے ہٹ کر لوگوں نے یہ شروع کیا ہے اور کہتے ہیں برکت ہوتی ہے،  یہ طریقہ صحیح ہے؟

جواب

جس مجلس میں اللہ کا ذکر ہوتا ہے وہاں رحمت نازل ہوتی ہے، مسئولہ  طریقہ میں اگر صرف تلذذ مقصود نہ ہو، بلکہ  برکت کی نیت سے ریکارڈنگ چلائی جاتی ہو ، ریکارڈنگ میں میوزک نہ ہو ریکارڈنگ چلتے وقت ذکر کی عظمت ملحوظ رکھ کر اس طرف دھیان بھی دیا جاتا ہو  اور ذکراللہ کے بعد گانے/ میوزک نہ چلائے جاتے ہوں تو مذکورہ طریقے میں حرج نہیں۔ فقط واللہ اعلم