میری شادی ہونے والی ہے اور میں نے سینے کا آپرشن کرایا ہے، کیوں کہ میرے سینے نہ ہونے کے برابر تھے، یہ ایسا تھا کہ سینے کو کاٹ کے اندر کچھ رکھا تو کیا اس کا غسل پرکچھ اثر ہے ؟ اس سے غسل ہوگا؟
واضح رہے کہ بریسٹ امپلانٹ یعنی چھاتیوں کے ابھار کے لیے مخصوص آپریشن محض زیب وزینت کے لیے یا حسن کو برقرار رکھنے کے لیے یا اس میں اضافہ کرنے کے لیے کرانا درست نہیں ہے، البتہ اگر واقعتًا کوئی بیماری ہو اور کوئی دوسرا علاج کا ذریعہ نہ ہو تو اس پلاسٹک سرجری کی گنجائش ہوگی؛ لہذا محض پستان چھوٹے ہونے کی وجہ سے یہ آپریشن کرانا درست نہیں تھا، اس پر توبہ واستغفار کریں، لیکن اب چوں کہ یہ آپ کے جسم کا حصہ ہوچکا ہے ؛ اس لیے غسل کرنے سے غسل ہوجائے گا۔
تكملة فتح الملهم (4/169):
"كلّ ما يفعل في الجسم من زيادة أو نقص من أجل الزينة بما يجعل الزيادة أو النقصان مستمرًا مع الجسم و بما يبدو منه أنه كان في أصل الخلقة هكذا؛ فإنه تلبيس و تغيير منهي عنه، و أما ما تزينت به المرأة لزوجها من تحمير الأيدي أو الشفاه أو العارضين بما لايلتبس بأصل الخلقة فإنه ليس داخلًا في النهي عند جمهور العلماء."
فقط واللہ اعلم
فتوی نمبر : 144104200434
دارالافتاء : جامعہ علوم اسلامیہ علامہ محمد یوسف بنوری ٹاؤن