حاملہ عورت کے لیے سورج گرہن کے کیا نقصانات ہیں؟
سورج اورچاند گرہن اللہ رب العزت کی قدرت کی نشانیوں میں سےایک نشانی ہے، جس سےاللہ پاک اپنے بندوں کوتنبیہ فرماتےہیں، سورج گرہن یا چاند گرہن کے وقت مسلمانوں کو اصل حکم یہ ہے کہ اللہ کی طرف متوجہ ہوں، اور یہ حکم مردوں اور عورتوں (جن میں حاملہ عورتیں بھی ہیں) سب کے لیے ہے۔ باقی انسانی جسم پراس کے کسی قسم کےاثرات کا ظاہرہونامحض وہمی باتیں ہیں، جن کی کوئی حقیقت نہیں ہے۔ فقط واللہ اعلم
فتوی نمبر : 144104200940
دارالافتاء : جامعہ علوم اسلامیہ علامہ محمد یوسف بنوری ٹاؤن