Re: فتوی نمبر 144102200250
میں نے آپ کو جو خواب بھیجا تھا اس میں تھوڑا سا اضافہ کرنا ہے , جو خواب میں نے دیکھا تھا وہ کچھ یوں تھا :
میں نے خواب میں دیکھا کہ کسی نے مجھے کوئی چیز دی (یاد نہیں کھانے کی تھی یا کوئی بیگ، بستہ تھا) جیسے ہی میں نے کھولا تو اس میں بہت سارے تعاویز تھے ۔
جس دن میں نے یہ خواب دیکھا اس کے ایک دن کے فرق سے میری بیوی نے مسلسل دو روز ایک ہی خواب دیکھا، انہوں نے دیکھا کہ جیسے ہی گھر سے باہر نکلتی ہیں، ڈھیر سارے پانی پر ایک دو رنگ کا سانپ بیٹھا ہوا دکھائی دیتا ہے، (کالے اور دوسرا رنگ یاد نہیں) ۔
ان دونوں خواب کا اگر آپس میں کوئی جوڑ ہے تو ضرور بتائیے گا!
آپ کے خواب کی تو وہی تعبیر ہے جو پہلے دی جا چکی ہے۔
البتہ آپ کی اہلیہ کے خواب کی تعبیر یہ ہے کہ غیر محرموں سے پردہ کا اہتمام کریں۔ خواب میں سانپ "بدخواہ شخص" ہوتا ہے۔ فقط واللہ اعلم
فتوی نمبر : 144102200314
دارالافتاء : جامعہ علوم اسلامیہ علامہ محمد یوسف بنوری ٹاؤن