سعودی عرب کے معروف ہوٹل ’’البیک‘‘ کی مرغی کا کیا حکم شرعی ہے ؟
واضح رہے کہ مرغی کے حلال یا حرام ہونے کا دارومدار اس کے طریقہ ذبح پر ہے، اگر مرغی کو اسلامی اصولوں پر ذبح کیا جائے تو اس کا گوشت حلال ہو گا اور اگر ایسا نہیں ہے تو اس کا گوشت حلال نہیں ہو گا۔البیک والے اپنی ویب سائٹ پر اس بات کی صراحت کرتے ہیں کہ ان کی مرغی برازیل سے بر آمد شدہ ہے۔
لہذا جب تک کسی با وثوق ذریعہ سے اس بات کا علم نہ ہو جائے کہ اس کا ذبح اسلامی اصولوں کے عین مطابق ہوتا ہے اس کا کھانا جائز نہیں ہو گا۔ فقط واللہ اعلم
مزید تفصیل کے لیے درج ذیل لنک پر فتویٰ ملاحظہ کیجیے:
سعودی عرب میں البیک وغیرہ کی مرغی کھانے کا حکم
فتوی نمبر : 144010201158
دارالافتاء : جامعہ علوم اسلامیہ علامہ محمد یوسف بنوری ٹاؤن