عالم کا داڑھی منڈے غیر عالم شخص کے پیچھے نماز پڑھنا کیسا ہے؟ جو نماز پڑھ لی اس کا کیا حکم ہے ؟
بصورتِ مسئولہ عالم کے لیے غیر عالم داڑھی منڈے آدمی کی اقتدا میں نماز ادا کرنا مکروہِ تحریمی ہے۔ تاہم جونماز پڑھ لی ہے، اس کولوٹانے کی ضرورت نہیں ہے۔
اگر غیر عالم درست مخارج و صفات ذاتیہ لازمہ کے ساتھ قرات کرنے پر قادر نہ ہو ، جس کی وجہ سے معنی میں خلل واقع ہوتا ہو، تو ایسی صورت میں اس کی نماز ہی درست نہیں ہوگی، اور جو نماز اس کی اقتدا میں ادا کی اس کا اعادہ کرنا لازم ہوگا۔
"و منها: القراءة بالإلحان، إن غير المعني و إلا لا". ( شامي، ١ / ٦٣٠، سعيد) فقط واللہ اعلم
فتوی نمبر : 144012200415
دارالافتاء : جامعہ علوم اسلامیہ علامہ محمد یوسف بنوری ٹاؤن