میں عدت میں ہوں اور ہمارے گھر کے ساتھ ملحق بنات کا مدرسہ ہے، اس میں درسِ قران اور درسِ حدیث ہوتاہے، کیا میں اس میں شرکت کرسکتی ہوں، صبح سے ظہر تک؟ اور تراویح ہوتی ہے، اس میں شرکت کا کیا حکم ہے؟
عدت کے دوران کسی شدید ضرورت کے بغیر عورت کا گھر سے نکلنا جائز نہیں ہے، لہذا آپ کے لیے مذکورہ کسی بھی کام کے لیے گھر سے نکلنا جائز نہیں ہے۔ نیز واضح رہے کہ عمومی احوال میں بھی عورت کے لیے یہی حکم ہے کہ وہ فرض نماز کی طرح تراویح کی نماز بھی گھر میں ہی ادا کرے، عورتوں کے لیے اپنے گھر سے باہر جاکر اہتمام کے ساتھ تراویح کی جماعت میں شرکت کرنا درست نہیں ہے۔ فقط واللہ اعلم
فتوی نمبر : 144008200728
دارالافتاء : جامعہ علوم اسلامیہ علامہ محمد یوسف بنوری ٹاؤن