سوال

ایک آدمی صاحب نصاب نہیں، وہ دیگر لوگوں کے ساتھ بڑے جانور کے ساتویں میں شریک ہوا، پھر بعد میں قربانی سے پہلے شرکت سے نکل گیا، اب اس آدمی کے لیے کیا حکم ہے؟ نیز باقی شرکاء کی قربانی ہوجائے گی؟ اور وہ لوگ اب ساتواں حصہ کسی اور کو دیں؟

جواب

مذکورہ صورت میں غیرصاحبِ نصاب کی جانور میں شرکت کے ساتھ ہی اس پر قربانی واجب ہوجائے گی، اس کا شرکت سے نکلنا درست نہیں، بلکہ ساتواں حصہ اسی کی طرف سے متعین ہوجائے گا اور اسی کا حصہ شمار ہوگا، اور باقی لوگوں کی قربانی بھی ہوجائے گی۔ فقط واللہ اعلم