آج کل غسل خانہ میں پیشاب کرنا کیسا ہے ضرورت کے وقت؟ کیوں کہ رات کو ٹھنڈ زیادہ ہونے کے وجہ سے دور باتھ روم تک نہیں جا سکتے . اس وجہ سے غسل خانہ میں پیشاب کرنا کیسا ہے؟
غسل خانہ میں پیشاب نہیں کرنا چاہیے، اس سے عموماً وسوسہ کا مرض لاحق ہوجاتا ہے، اگر کبھی مجبوری کی وجہ سے غسل خانہ میں پیشاب کردیا ہو تو غسل سے پہلے اچھی طرح پانی بہا کر اس کو پاک کرلینا چاہیے۔ فقط واللہ اعلم
فتوی نمبر : 144104200442
دارالافتاء : جامعہ علوم اسلامیہ علامہ محمد یوسف بنوری ٹاؤن