غسل کرنے کے بعد اگر شرم گاہ کو غلطی سے ہاتھ لگایا جائے تو وضو ٹوٹ جاتا ہے ؟
غسل کرنے کے بعد شرم گاہ کو ہاتھ لگ جانے سے وضو نہیں ٹوٹتا۔ حدیثِ مبارک میں آتا ہے کہ ایک آدمی نے نبی ﷺ سے پوچھا کہ کیا ہم میں سے اگر کوئی شخص نماز میں اپنی شرم گاہ کو چھو لے تو وضو کرے؟ تو نبی ﷺ نے فرمایا: شرم گاہ بھی تمہارے جسم کا ایک حصہ ہی ہے۔
مسند أحمد:
"عن قيس بن طلق، عن أبيه قال: سأل رجل رسول الله صلى الله عليه وسلم أيتوضأ أحدنا إذا مس ذكره؟ قال: «إنما هو بضعة منك أو جسدك»". (مسند أحمد مخرجًا (26/ 214)
المبسوط للسرخسی:
"وکذلک إن مسّ ذکره بعد الوضوء فلاوضوء علیه، وهذا عندنا، وکذلک إذا نظر إلی فرج امرأة". (المبسوط للسرخسی، کتاب الصلاة، باب الوضوء والغسل، 1/183- ط: رشیدیه)فقط واللہ اعلم
فتوی نمبر : 144104200448
دارالافتاء : جامعہ علوم اسلامیہ علامہ محمد یوسف بنوری ٹاؤن