میں چاہتا ہوں کہ میں آن لائن کمائی کروں جو کہ آج کل کافی لوگ کرتے ہیں ،اس مقصد کے لیے مجھے ایسے سافٹ وئیر استعمال کرنے پڑ رہے ہیں جو کہ بہت مہنگے ہیں اور ان کو غیر قانونی ذرائع سے انسٹال کیے جاتے ہیں، کیا اس طریقے سے کمائی حلال ہے اور اگر اس طریقہ سے پیسے کمالیے گئے ہوں تو اس کا کیا حکم ہے؟
اگر غیر قانونی سافٹ ویئرز انسٹال کرنے کا مطلب یہ ہے کہ وہ سافٹ ویئر انسٹال کرنا جن کے حقوق محفوظ ہوں تو انہیں سی ڈی یا کسی ویب سائٹ سے حاصل کرکے انہیں انسٹال کرنے کی اجازت ہے، پھر ان سافٹ ویئرز کے ذریعہ پیسے کمانا حلال ہے، تاہم احتیاط کے خلاف ہے۔
فتاوی شامی میں ہے:
"وفي الأشباه: لايجوز الاعتياض عن الحقوق المجردة كحق الشفعة."
( كتاب البيوع ۴/ ۵۱۸ ط: سعيد)
فقط واللہ اعلم
فتوی نمبر : 144004201028
دارالافتاء : جامعہ علوم اسلامیہ علامہ محمد یوسف بنوری ٹاؤن