سوال

جن لڑکیوں کو اسلامیات کے امتحان کے دوران ماہواری کے ایام آ جائیں تو وہ اپنے امتحان کی تیاری اور امتحان دیتے ہوئے قرآنی آیات پڑھ اور لکھ سکتی ہیں یا نہیں؟ اگر نہیں پڑھیں اور لکھیں گی تو فیل ہوجانے کا قوی اندیشہ ہے.

جواب

ماہواری کے ایام میں قرآن پاک کی آیات کو پڑھنا اور لکھنا جائز نہیں ہے، امتحان کے موقع پر امتحانی نظم بنانے والوں کو ایسی لڑکیوں کوئی خاتون معاون (helper) مہیأ کرنی چاہیئے جو ان کی طرف سے قرآنی آیات کو لکھ لیا کریں۔اگر  کوئی معاون دستیاب نہ ہو تو مکمل آیت لکھنے کے بجائے  آیت کا ابتدائی حصہ جس سے آیت کی طرف اشارہ ہوجائے وہ لکھ کر چھوڑ دیا جائے اور اپنے عذر کو پرچہ میں لکھ دیا جائے۔

الدر المختار وحاشية ابن عابدين (رد المحتار) (1/ 292)

(وقراءة قرآن) بقصده (ومسه) ولو مكتوبا بالفارسية في الأصح (وإلا بغلافه) المنفصل كما مر

(قوله وقراءة قرآن) أي ولو دون آية من المركبات لا المفردات؛ لأنه جوز للحائض المعلمة تعليمه كلمة كلمة كما قدمناه وكالقرآن التوراة والإنجيل والزبور كما قدمه المصنف

فقط واللہ اعلم