اگر مسبوق امام کے سلام پھیرنےکے بعد اپنی نماز پوری کررہاہو، ایک اور آدمی آ کر اس کی اقتدا کرے تو کیا حکم ہے؟ کیوں کہ کے ہم ملیشیا میں ہیں، اور یہاں پر سارے شوافع ہیں ، ان کا یہی معمول ہے آدمی کو پتا نہیں ہوتا، اچانک آدمی آکراقتدا کرنے لگ جاتا ہے!
مسبوق کی اقتدا درست نہیں، یعنی مسبوق جب امام کے سلام پھیرنے کے بعد اپنی نماز مکمل کررہا ہو اور کوئی اس کی اقتدا شروع کردے تو یہ درست نہیں ؛ اس لیے کہ خود سابق امام کا مقتدی ہے۔لیکن یہ مسئلہ احناف کے نزدیک ہے ؛ لہذا اگر مقتدی حنفی ہو تو اس کی اقتدا درست نہیں ہوگی۔ لیکن شوافع حضرات کے ہاں اس کی اقتدا درست ہے ، لہذا آپ مسبوق ہونے کی حالت میں اس کی پروا نہ کریں ، اگر کوئی شافعی اقتدا کرےتو اس کی نماز ہو جائے گی۔فقط واللہ اعلم
فتوی نمبر : 143909201494
دارالافتاء : جامعہ علوم اسلامیہ علامہ محمد یوسف بنوری ٹاؤن