میں ایک ملٹی نیشنل کمپنی میں کام کرتا ہوں، جس کا مالک جاپانی ہے، ڈیپارٹمنٹ کا منتھلی ٹارگٹ پورا ہونے پر ڈیپارٹمنٹ کے ٹیکنیکل ایڈوائزر ( جوکہ جاپانی ہے) نے اپنی طرف سے پورے ڈیپاٹمنٹ کو ڈنر کی دعوت دی ہے۔
پوچھنا یہ ہے کہ ہم غیر مسلم کی دعوت میں شرکت کرسکتے ہیں، جس کا بل اس نے اپنی طرف سے دیا تھا اور کچھ ہم نے ڈیپارٹمنٹ کی طرف سے جمع کرکے دیا تھا اور کمپنی میں ڈالا تھا کیوں کہ بل بہت زیادہ تھا؟
صورتِ مسئولہ میں مذکورہ دعوت میں شرکت کرسکتے ہیں، بشرطیکہ کمپنی کی طرف سے اخراجات ادا کرنے کی اجازت ہو، بصورتِ دیگر اخراجات کا ایک حصہ کمپنی کے بل میں شامل کرنا درست نہ ہوگا۔ فقط واللہ اعلم
فتوی نمبر : 144107200719
دارالافتاء : جامعہ علوم اسلامیہ علامہ محمد یوسف بنوری ٹاؤن