ایک قوم پر عذاب صرف اس وجہ سے آیا کہ اس کا علم بہت بڑھ گیا تھا، حق تعالیٰ نے اس کو تباہ کر نے کے لیے حضرت جبرائیل علیہ السلام کو بھیجا۔جبرائیل علیہ السلام نے ان سے پوچھا کہ جبرائیل کہاں ہیں؟ اس قوم نے حساب لگا کر بتا دیا کہ وہ آپ ہی ہیں۔۔۔الخ اس واقعہ کی اصل کیا ہے؟ حدیث میں ہےیا اسرائیلی روایت ہے؟
اس واقعہ کی کوئی اصل کسی حدیث کی کتاب میں نہیں ہے، یہ ایک من گھڑت روایت ہے، اس کو بیان کرنا اللہ تعالی پر بہتان ہونے کی وجہ سے ناجائز اور حرام ہے۔ فقط واللہ اعلم
فتوی نمبر : 143904200048
دارالافتاء : جامعہ علوم اسلامیہ علامہ محمد یوسف بنوری ٹاؤن