’’منحہ‘‘ اور ’’مناھل‘‘ نام کا معنی کیا ہے؟ کیا میں اپنی بیٹی کا یہ نام رکھ سکتا ہوں؟
’’منحہ‘‘ اور ’’مناھل‘‘ دونوں عربی زبان کے الفاظ ہیں۔ ’’منحہ‘‘ کا معنی ہے تحفہ، عطیہ، گفٹ۔ اور ’’مناھل‘‘ ’’منھل‘‘ کی جمع ہے ،اس کا معنی ہے: پانی کا گھاٹ، سیرابی حاصل کرنے کا مقام۔
آپ اپنی بیٹی کا نام ’’منحہ‘‘ یا ’’مناھل‘‘ رکھ سکتے ہیں، لیکن زیادہ بہتر یہ ہے کہ بیٹی کا نام صحابیات مطہرات رضی اللہ عنہن کے ناموں میں سے کسی نام پر رکھا جائے۔ فقط واللہ اعلم
فتوی نمبر : 144003200048
دارالافتاء : جامعہ علوم اسلامیہ علامہ محمد یوسف بنوری ٹاؤن