اگر منہ میں پان یا نسوار وغیرہ ہو تو کیا اس حالت میں آدمی ذکر وغیرہ کرسکتاہے؟
ذکر کے آداب میں سے ہے کہ اللہ تعالیٰ کی عظمت ومقام کا استحضار و رعایت رکھتے ہوئے ذکر کرے، لہٰذا ذکر کے وقت منہ پاک صاف ہو اور اس میں بدبو یا غیر مناسب چیز کی بو نہ ہو۔ لہٰذا اگر کسی شخص کے منہ میں پان یا نسوار ہو تو ایسے شخص کے لیے بہتر یہ ہے کہ وہ ذکر کرنے سے پہلے اپنے منہ کو فارغ کر دے، اچھی طرح کلی کرکے اہتمام سے اللہ تعالیٰ کا ذکر کرے، لیکن اگر مذکورہ اشیاء منہ میں ہوتے ہوئے بھی کوئی شخص ذکر کرتا ہے تو اس کی گنجائش ہے۔ فقط واللہ اعلم
فتوی نمبر : 144012201195
دارالافتاء : جامعہ علوم اسلامیہ علامہ محمد یوسف بنوری ٹاؤن