اس سال ہم لوگوں کا حج کا ارادہ ہے جیسا کہ اس سال 8 ذوالحجہ بروزِ جمعہ ہے، تو کیا ہم لوگ حج کی سعی جمعرات اور جمعے کی درمیانی شب کر سکتے ہیں؟ کیوں کہ جمعرات 7 ذوالحجہ ہے اور اسلامی اعتبار سے مغرب کے بعد 8 تاریخ شروع ہو جائے گی یا ہمیں 10 تاریخ کو دوبارہ سعی کرنی پڑے گی؟
صورتِ مسئولہ میں حج کی نیت سے احرام باندھ لینے کے بعد نفلی طواف کے ساتھ حج کی سعی کرسکتے ہیں۔ اور اگر پہلے سعی نہیں کی، یا طواف کے بغیر صرف سعی کی تو طوافِ زیارت کے بعد دوبارہ سعی کرنا لازم ہوگا۔فقط واللہ اعلم
فتوی نمبر : 144012200083
دارالافتاء : جامعہ علوم اسلامیہ علامہ محمد یوسف بنوری ٹاؤن