منگنی کے نکاح کے بعد رخصتی سے قبل منگیتر کے انتقال کی صورت میں لڑکی پر شرعاً عدت لازم ہے کہ نہیں؟
منگنی نکاح کا وعدہ ہے، نکاح نہیں ہے، اس پر نکاح کے اَحکام جاری نہیں ہوتے، لہذا اس کی عدت بھی نہیں ہے اور اگر باقاعدہ نکاح ہوگیا ہو، لیکن صرف رخصتی نہ ہوئی ہو اور شوہر کا انتقال ہوجائے تو عورت پر چار مہینہ دس دن عدت گزارنا لازم ہوگا ۔
"وعدة المتوفی عنها زوجها إذا کانت غیر حامل وهي حرة أربعة أشهر وعشرًا، یستوي في ذٰلک الدخول وعدم الدخول والصغر والکبر". (الفتاویٰ التاتارخانیة ۵؍۲۲۸ رقم: ۷۷۲۵) فقط واللہ اعلم
فقط واللہ اعلم
فتوی نمبر : 144012200672
دارالافتاء : جامعہ علوم اسلامیہ علامہ محمد یوسف بنوری ٹاؤن