وراثت تقسیم کرنے میں تاخیر کرنے سے (عمداً اور سہواً) میت کو قبر میں کوئی تکلیف ہوتی ہے؟
وراثت کی تقسیم میت کے ورثاء کا حق ہے اور میت کے وصی یا جس وارث کے پاس میت کے ترکہ کا اختیار ہو اس کی ذمہ داری ہے کہ وہ جلد سے جلد وراثت کی تقسیم کر کے تمام ورثاء کو ان کا حق دے دے، وراثت کی تقسیم میت کی ذمہ داری نہیں ہے؛ اس لیے تقسیم میں تاخیر ہونے سے میت کو قبر میں کوئی تکلیف نہیں پہنچتی ہے۔ فقط واللہ اعلم
فتوی نمبر : 144104200377
دارالافتاء : جامعہ علوم اسلامیہ علامہ محمد یوسف بنوری ٹاؤن