کیا چاند رات کی مبارک باد دینا جائز ہے، جس طرح ہم لوگ اکثر کہتے ہیں: ''چاند رات مبارک''، پھر کہتے ہیں: ''عید مبارک''۔ میرا سوال چاند رات کے بارے میں ہے۔ راہ نمائی فرمائیں!
عید یا رمضان المبارک کی چاند رات کی مبارک باد دینا اس رات کے بابرکت ہونے کی دعا دینا ہے جو کہ بذات خود جائز ہے،لیکن اس کا اہتمام و التزام درست نہیں، اور نہ ہی اس میں کوئی ثواب ہے، لہذا مبارک باد کے پیغامات ارسال کرنے کی بجائے اس قیمتی رات کو عبادت میں صرف کرنا چاہیے۔فقط واللہ اعلم
فتوی نمبر : 143909200822
دارالافتاء : جامعہ علوم اسلامیہ علامہ محمد یوسف بنوری ٹاؤن