دنیا کے کئی ممالک میں، خصوصاً مشرقِ وسطٰی کے ممالک میں کچا گوشت کھانے کا رواج ہے۔ آپ سے معلوم کرنا تھا کہ اگر جانور حلال ہو اور ذبیحہ شرعی طریقہ کے مطابق کیا گیا ہو، تو کیا کچا گوشت یا بغیر پکائے گوشت یا قیمہ کو کھانا جائز ہے؟
اگر کوئی گوشت حلال جانور کا ہو اور حلال طریقہ سے ذبح کیا گیا ہو تو اس کے حلال ہونے کے لیے پکانا ضروری نہیں ہے، اس کو بغیر پکائے بھی کھانا جائز ہے، خواہ وہ گوشت ہو یا قیمہ، بشرطیکہ وہ مضر صحت نہ ہو۔
کفایت المفتی میں ہے:
’’ گوشت کچا کھانا جائز ہے، پکانا حلت کی شرط نہیں ہے ۔ محمد کفایت اللہ کان اللہ لہ‘‘۔ (کفایت المفتی جلد 8) فقط واللہ اعلم
فتوی نمبر : 144012201464
دارالافتاء : جامعہ علوم اسلامیہ علامہ محمد یوسف بنوری ٹاؤن