کیا مقتدی کو ثناء کے بعد اعوذ باللہ اور بسم اللہ پڑھنی چاہیے یا نہیں؟ اور اگر پڑھ لی جائے تو کوئی حرج تو نہیں؟
واضح رہے کہ تکبیرِ تحریمہ اور ثناء کے بعد تعوذ اور تسمیہ پڑھنا ہر اس شخص کے لیے پڑھنا سنت ہے جسے نماز میں قراءت کرنی ہو، اور جس کے ذمہ قراءت نہ ہو یعنی مقتدی اس کے لیے پڑھنے کا حکم نہیں، لہذا صورتِ مسئولہ میں مقتدی تعوذ اور تسمیہ نہیں پڑھے گا، البتہ کبھی بے خیالی میں پڑھ لی تو نماز ہوجائے گی۔ فقط واللہ اعلم
فتوی نمبر : 144004201605
دارالافتاء : جامعہ علوم اسلامیہ علامہ محمد یوسف بنوری ٹاؤن